കുടിയേറ്റക്കാർ ‘​ൈകയേറ്റക്കാരെ’ന്ന്​ ട്രംപ്

വാഷിങ്​ടൺ: കുടിയേറ്റക്കാരെ കുറിച്ച്​ വീണ്ടും വിവാദ പ്രസ്​താവനയുമായി യു.എസ്​ പ്രസിഡൻറ്​ ഡോണൾഡ്​ ട്രംപ്​ രംഗത്ത്​. രാജ്യ​ം ​ൈകയേറാനെത്തുന്നവരാണ്​ കുടിയേറ്റക്കാരെന്നും നിയമത്തിന്​ വിട്ടുനൽകാതെ അവരെ നാടുകടത്ത​ണമെന്നും കഴിഞ്ഞ ദിവസം ട്രംപ്​ ട്വിറ്ററിൽ കുറിച്ചു. കുടിയേറ്റക്കാരുടെ മക്കളെ കുടുംബത്തിൽനിന്നും വേർപെടുത്തുന്ന ട്രംപ്​ ഭരണകൂടത്തി​​​െൻറ നയം വൻ പ്രതിഷേധം വിളിച്ചുവരുത്തിയതിനെ തുടർന്ന്​ പിൻവലിച്ചിരുന്നു.

 ഇതിന്​ പിന്നാലെയാണ്​ പ്രസിഡൻറ്​ കുടിയേറ്റ വിരുദ്ധതയുമായി വീണ്ടും രംഗത്തെത്തിയിരിക്കുന്നത്​. ‘നമ്മുടെ രാജ്യം കൈയേറാനെത്തുന്നവരെ അതിന്​ അനുവദിക്കാൻ നമുക്കാവില്ല. ആരെങ്കിലും ഇവിടെയെത്തിയാൽ ഉടൻ വന്നിടത്തേക്ക്​ തിരിച്ചയക്കണം. കോടതിയെയും ജഡ്​ജിമാരെയും ഇടപെടലിന്​ അനുവദിക്കരുത്’  -​അദ്ദേഹം ട്വിറ്ററിൽ കുറിച്ചു.

കുടിയേറ്റ വിരുദ്ധത തുടരുന്ന ​ട്രംപി​​​െൻറ പ്രസ്​താവനയെ അപലപിച്ച്​ വിവിധ മനുഷ്യാവകാശ സംഘടനകൾ രംഗത്തെത്തിയിട്ടുണ്ട്​. അഭയാർഥികൾക്കും കുടിയേറ്റക്കാർക്കുമായി പ്രവർത്തിക്കുന്ന അമേരിക്കൻ സിവിൽ ലിബർട്ടീസ്​ യൂനിയൻ പ്രസിഡൻറി​​​െൻറ പ്രസ്​താവന ഭരണഘടന വിരുദ്ധവും നിയമവിരുദ്ധവുമാണെന്ന്​ പ്രസ്​താവനയിൽ പറഞ്ഞു.

അതിനിടെ, നേരത്തെ കുടുംബങ്ങളിൽനിന്ന്​ വേർപെടുത്തപ്പെട്ട കുട്ടികളെ തിരിച്ച്​ മാതാപിതാക്കളുടെ അരികിൽ എത്തിക്കാനുള്ള നടപടികൾ ആരംഭിച്ചിട്ടുണ്ട്​. പ്രതിഷേധത്തെ തുടർന്ന്​ ഇതിന്​ അനുകൂലമായ ഉത്തരവിൽ ട്രംപ്​ ഒപ്പുവെച്ചതോടെയാണ്​ നടപടി ആരംഭിച്ചത്​. 

യു.എസ്​-മെക്​സികോ അതിർത്തിയിൽ ആഴ്​ചകൾക്കിടെ 2,300 കുട്ടികൾ കുടുംബങ്ങളിൽനിന്ന്​ വേർപെടുത്തപ്പെട്ടതായാണ്​ കണക്ക്​.